黃子豐

「運來伍寶」輸咗一場後，今次又重磅，又十檔，肯定又會換到多少落飛空間。但我成日都話，今日隻「運來伍寶」其實咪又係上次嗰隻「運來伍寶」，隻馬上次咪又係重磅，又係外檔，結(jié)果咪三倍，點解上次未輸之前，大家就寄望佢可以克服惡劣形勢，而今次形勢一樣惡劣就唔可以克服呢？其實按值搏率，輸咗一場後，點講都會趕走咗一批馬迷嘅熱情，但實質(zhì)上，「運來伍寶」一樣係上次嘅「運來伍寶」，隻馬除非健康突然出咗問題，否則相隔咗21日，佢，依然都係佢，按理上次熱門你搏佢可克服，今次賠率好咗，一樣可搏佢可克服。

事實上隻馬今季一月份之前，在港跑咗11場，最熱一場24倍，其餘通通41到139倍，根本睇飛就知隻馬當(dāng)期時係完全未得嘅。近四場次次有飛，隻馬次次表現(xiàn)穩(wěn)定，己反映現(xiàn)階段先係「運來伍寶」大熟大勇之年。今次換返個贏過兩次嘅潘明輝，跑返今季兩次贏馬的A欄，道理上一定比上次值搏，馬膽，我信佢。