黃子豐

今次賽事，睇嚟睇去，亂到不得了，再加上這條馬會從來都不太用的B欄，賽前要評估會不出現(xiàn)大利貼欄的偏差，實在並不容易，須知道馬王「浪漫勇士」，至今在港不入前三名的一仗，正正是這條B跑道。正當毫無頭緒之際，朋友來電，話殺聲震天的「快靚旺」係乜馬？

老實講，一隻初出馬，點知係乜嚟。後來幫手查一查，唔查由自可，一查嚇一跳，原來由一四年馬季至上季，方仔52分的插班PPG如果初出跑四班直路賽有飛，成績勁到嚇死你。分別有1.6倍的「神彩勇士」、2.5倍嘅「大紅蜂」、2.6倍「喜旺駒」同「舞士精神」2.8倍「超能勇士」5.1倍「風流人物」，呢六匹有飛馬，原來全部贏曬。

其餘3.7倍「自由旺」5.1倍「幸運之神」第三，唯一失望的，只有四倍的「金馬玉堂」跑第四。睇嚟方仔多年來，呢類型的PPG第一場搏殺，可以用得心應(yīng)手來形容，今次賽前那麼多人也收到風，睇嚟都會有飛，馬迷臨場睇緊佢賠率，低於五倍買番注。